من طرف 
السلام
عليكم
ازيكم يا بنانيت يا حلوين؟؟؟؟؟؟ كيــــــــــــــــفكم جميعا؟؟؟
عمرك
تخيلتى انك تصبحى بدون شعر زائد ف جسمك مدى حياتك؟؟؟؟ مش بضحك عليكى او
بجر رجلك لاااااااااااا بجد عندى ليكى الطريقة الفعالة اللى هتريحك مدى
الحياة بس خللينا ندردش ف الاول.
طبعا مفيش حد متوقع ده.......
كثير
منا يا بنات بيستخدم وسائل كتير جدا لازالة الشعر الزائد بالجسم وهم انواع
طبعا:
*أولا: بعض الكريمات اللى بيشتروها من الصيدليات لازالة الشعر
النهاردة وان شاء الله يطلع بعد 3 او 4 ايام وياريته بيطلع عادى كده
لاااااااااا ده بيبقى سميك اكتر من الاول كمان طب وليه التعب هو احنا
ناقصين!!!!!! ده غير تصاعد البكتريا طبعا الناتجة عن الشعر الزائد هو احنا
عاوزين نقلله ولا نفتحله قلبنا ونقوله تعالى يا جميل بنظرتين حلوين كده.
*ثانيا:
البعض بيستخدم الماكينة الشهيرة براون......هى حلوة وكل حاجة وبتقعد يجى
شهر ع تستعمليها تانى لكن هقولك بعد كام سطر انها مش حلوة دايما لكنها حلوة
ديليفرى حاجة سريعة عشان مستعجلة مثلا.
*ثالثا: الليزر ايضا فيه
بنات بيروحو يعملو جلسات بالليزر لمنع نمو الشعر نهائيا وده فعلا مش هزار
ولكن تكلفتها المادية عالية ده غير انك بنوتة تتكثف تروح لدكتور جلدية عشان
تعمل الجلسات دى والمرأة كلهاعورة وكده........وابقى قابلينى بقى على ما
تلاقى دكتورة مؤنث يعنى
*رابعا واخيرا: السويـــــــت واكثر من نص
البنات بيستعملو السويت طبعا وهى بصراحة انضف حاجة رغم الاامها ويكاد شعر
الرأس يقف من شدة الالم لكن خلليكى معايا يا قمراية واحدة واحدة.
ميزة
السويت انها بتنضف المكان كويس جدا جدا وبتخلليه ابيض وناااااااااعم الى
اقصى درجة عن الماكينة او الكريم طبعا ده غير كده انها بتشيل الشعر من
جذورة وقاتله للبكتريا الناتجة عنه وبتقلل الشعر تدريجيا مع الوقت بس بعد
ما تكون خربت مالطة......تقلله بقى بس بمرور السنين ليا وليكم طول
العمر.......
ده غير احتوائها على الليمون طبعا اللى بيطهر ويقتل أجدعها
ميكروب هى اينعم متعبة ومؤلمة شويتين بس انضف حاجة وممكن تستخدمى البنج
الموضعى وتخففى من الاااام على نفسك يا قمر.
يووووووووووووه يا نور
زهقتينا يا شيخة ايه الرغى ده كله خشى ف الموضوع بقى يا اما اطلعى برا بقى
ومتقرفناش:D ولا انتى بتغرينا وخلاص...... لا طبعا معايا ليكى الحل النهائى
ان شاء الله ههههههههه خلليكى معايا بقى....
المهم.........
هنروح
زى الشاطرين كده عند العطار ومش أى عطار يعنى عطار حاجتة نضيفة ومش مغشوشة
عشان الفعالية المطلوبة طبعا......
وهتشترى زيت اسمه زيت السٌعد يا
بنات بضم السين مش كرييييييييييم انا قلت زيـــــــــت ركزو.......وتحضرى
السويت وتكون جاهزة معاكى ف البيت
اشترينا خلاص ياللا نرجع البيت
بقى.......
بصى الطريقة دى هتستخدميها حوالى 5 شهور متواصل ورا بعض بس
ارجوكى مش تقولى يااااااااااه كل ده شكلك فاضية لا بجد صدقينى هترتاحى مدى
الحياة كبنت وكزوجة وكل حاجة ان شاء الله بس بالله عليكى تصبرى على نفسك
ولما تشوفى النتيجة بعنيكى هتدعيلى..........
هتستخدمى السويت عادى
جدا جدا وبعد الانتهاء منها هتعملى حاجة هتجيبى الزيت ده فور انتهائك من
السويت هتدهنى بيه على المكان وتسيبيه عليكى اطول مده ممكنة ويستحسن تدهنيه
قبل النوم وتصحى تشطفيه مش هيخلل عليكى يعنى لان دى اطول فترة ممكنة
والجسم بيكون فى حالة استرخاء كمان...........
بس مش اول يوم وتسكتى
لا هتستخدميه اول 4 ايام بعد السويت على طول تدهنى منه يوميا ......طيب
وباقى الشهر هتستخدميه ايضا بس كل 4 ايام لغاية ماينتهى الشهر ويطلع مرة
اخرى لان انتى عارفة ان الشعر بيطلع مرة تانية بعدها بشهر.........بس
بليـــــــز تركزى من استخدامه ف نص المدة كده بعد السويت يومين ورا بعض
لان الفترة دى هى فترة بدأ انبات الشعر من جديد وانتى كده بتمنعيه انه يطلع
وهنعرف مع بعض ازاى بيتمنع بس قدام شوية ........
ملحوظة: تدهنى
بايدك على شكل حركة دائرية حتى تتشبع كل المسام بالزيت كويس اوى مش
نكرررررررررروت.
ممممممممم حاسة انى توهتكم طيب تانى خلليكى
معايا......
هتعملى السويت قولى مثلا يوم 1 ف الشهر ويستحسن ااخر
يوم ف البريود هتستخدمى الزيت يوميا بعد السويت لمدة 4 ليالى يعنى يوم
1و2و3و4 بعد كده مش هنستخدمة يوميا ف باقى الشهر يعنى كل 4 ايام هتدهنى مرة
يعنى يوم 8و11 وتيجى عند يوم 15 مثلا تستخدمية 15 و16 و17وهى منتصف المدة
زى ما كلمتك فوق وبعد كده كل 4 ايام مرة يعنى يوم 21 و25 و30
بصى
هاتى الاالى الحاسبة واحسبى كل 4 ايام....... وتعملى السويت ف الشهر الجديد
وتكررى وهكذا وهكذا لمدة 5 شهور وعلى فكرة النتيجة هتظهرلك من تانى شهر
هتلاحظى الشعر بيقل بشكل ملحوظ جدا الى ان ينقطع نهائيا.........
لااااااااااااا
سحر ولا شعوزة تعالى اقولك هو ده سحر ولا أنا اللى بستهبل ولا ايه
مممممممم بصى يا ستى.......
من نعمة ربنا ان زيت السعد ده اللى
كلمتك عنه بيعمل على سد بوصيلات نمو الشعر ف الجلد تدريجيا وبتموت البوصيلة
دى خاااااااالص مدى الحياة باستخدامه بالطريقة اللى كلمتك عنها بعد
السويت..........
يعنى بعد 5 شهور تقريبا هتلاقى نفسك بتقولى وداعا
للكريمات وداعا للماكينة ووداعا ايضا للسويت........
احم احم هههههههههه
واضح انى بشتغل ف الاعلانات كتير.......
يا بنات فكرو كده بالعقل
معايا تتعبى 5 او 6 شهور ف حياتك كلها ولا تتعذبى بالسويت او الماكينة مدى
حياتك وخصوصا لو متزوجة مثلا ........لو فكرتى انتى كده كده بتتعبى كل شهر
وبتعملى سويت او بتستخدمى الماكينة يبقى مش هتخسرى كتير فيها ايه لو زيادة
مجهود باستخدام الزيت ده.........وترتاحى مدى الحياة.......
بصى
خللينا صرحاء شوية عن كده خلليكى مثلا دلوقتى لاقيتى نفسك عروسة اهو وبعد
شهر هتنتقلى لعش الزوجية السعيدة واحنا عارفين مدى عناء العروسة ف الشهر ده
بالذات من اجل الجسم والضغوط وعدم توفير الوقت اوى لديها هتلاقيها منين
ولا منين فبتروح تعمل الجسم كله وتعانى من الالتهابات لو جسمها حساس مثلا
وتلاقيها بتجرى على دكاترة الجلدية ممممممممم
لكى حرية الاختيار اما
تعذبى نفسك كل شهر ومدى الحياة اما ان تدبحى نفسك قبل الجواز بشهر اما ان
ترتاحى بجد مدى الحياة وتكونى دائما مستعدة للبس اى فستان جميل هههههههه
يظهر أكثر مما يخفى مثلا.....
الطريقة فعلا فعالة بجد مش
هزار......انا لسة مش استعملتها عشان مضحكش عليكم لكن قلتها لبنات قريبين
منى جدا ومكنتش اعرف انى غبية كده وعندى معلومة مش استخدمتها وجربتها من
الاول انا طبعا كنت بسمع واقول ماشى هعمل بس بعدين....... وهما عشان
مخطوبين وكده وخلاص هيتجوزو قالو نجرب يمكن تعمل حاجة.......البنت بجد
بتقوللى طريقة اكتر من رائعة والنتيجة انا شفتها بعينى عشان كده اتشجعت انى
اسرع بالعمل بيها ونشرها عالجروب لتعم الافادة للجميع.........
وبلااااااااااااش
كسل وجربى صدقينى مش هتخسرى نتيجتها حلوة اوى.....
بس
بلااااااااااااااش ثم بلاااااااااااااش ثم بلااااااااااااااش قلة الضمير
حتى مع نفسك يعنى تروحى تستخدمى الزيت اول 4 ايام وبعدها تكسلى وتقعدى
عليها 15 يوم وبعد كده تقولى لا ده مبيعملش حاجة ......... غالبا العيب
فينا ف طريقة الاستخدام بالذات اتبعى الطريقة بمثل ما عرضت عليكى وشوفى
الفرق وادعيلى بقى......
فى حاجة: دى وصفة دكتور اعشاب على فكرة
مش مألفاها ولا حاجة وكمان مش معنى ان البوصيلة اتسدت يبقى مثلا اتمنعت من
كل حاجة حتى افراز العرق لا طبعا بتعرقى برده وكل حاجة عادى جدا بوصيلة
نمو الشعر فقط هى اللى بتتوقف وبتموت..........واكيد دكتور مش هيضرك يعنى
ده طبيب مش عم عبده البواب مثلا بيقول كلام سمعه من نينة زمان وهى بتحلم
هههههههه
يارب أكون افادتكم بجد .........